Gap撈Tech

偷得浮生半日閒

筆者有幸抽中左兩張HSBC $150 紀念鈔票,今日向公司請咗日假特登走去灣仔會展拎。

出門口之前決定帶埋心愛嘅戰友一齊出門口,諗住拎完紀念鈔之後去灣仔啲 Coffee Shop 坐下、寫下Blog、Dup下Code、上網學下野咁。

無錯,又有一個廢青拎住部手提電腦霸住張枱!其實筆者曾經有三個月時間差不多隔日就會到屋企附近的Parcific工作,回想當天做自由人又搵到食,有時去中學代下IT課,是夢寐以求的日子。

出發到會展途中,收到一位都係從事IT行業嘅讀者所發的 Email 邀請,讀者在Email 中提到覺得 《毛記電視網站是怎樣練成的?| Gap撈Tech》寫得唔錯,想約出黎飲杯嘢,認識一下大家。咁啱今日放假嘅我當然有興趣,因為我深信能夠互相交流絕對係一件好事,大家可以互補長短。

到達會展之後,見到好多著住 150 Anniversary 風褸嘅Helper,大部份好多都好後生,應該係岩岩考完DSE學生,雖然大家都係九十後,對比之下,他們臉上青春的臉孔,就發現自己真的老了。係排緊隊之際,望住啲 印上紅字 150 Anniversary 嘅白色風褸,不斷指示取鈔者去指定地方取鈔,筆者一路係度「回憶過去,痛苦的...」不是「相思忘不了」,而是「兼職搵錢經歷忘不了」,後悔已晚。

決定寫一篇文《大學補習生涯月入九千又點喎》給我的師弟師妹們,將會講下我做大學生時幫人補習嘅兼職生涯,分享經歷的得與失。

待續..

密切期待《大學補習生涯月入九千又點喎》



Author image
About Gap
Hong Kong
A Hongkong programmer who loves design & coding and believes open source software business can change the world.